عندي أمل

 عندي أمل - للشاعر نادر التتان

مهما تزيد الآه .. عندي آمل بالله
مهما سبب همي يطول .. رغم التعب أمشي و أقول
عندي آمل بالله .. عندي آمل بالله

 

وسط الحياة اللي أبتلاني فيها ربي .. أحزن أنا من مشكلة حلت في دربي
أحتار و ما حد حتى من أصحابي قربي .. أتمنى بس واحد يحس باللي في قلبي
يمكن أعز الناس .. ما ألقى عنده أحساس
يكفي عتب دمعي الخجول .. رغم التعب أمشي و أقول
عندي آمل بالله .. عندي آمل بالله

 

مآواي أنا الحرمان و ما يشعر زماني .. جوع الطعام و بالعطش ضيمي رواني
ما أصحى مثل الناس و بعيوني الآماني .. أشقى و محد يسمعني ليمن صرت أعاني
من صبري ألبس تاج .. ما أقول أنا محتاج
أخفي الطلب ماني بعجول .. و رغم التعب أمشي و اقول
عندي آمل بالله .. عندي آمل بالله

 

ذابل مثل وردة و محد بإحساسي داري .. محروم أنا من صحتي مو بإختياري
و جرح الإعاقة يحاول يزيد إنكساري .. من شدة آلالامي المسا لوّن نهاري
ساعات أحس بالموت .. بس جرحي ما له صوت
ليش العجب و الله عدول .. و رغم التعب أمشي و أقول
عندي آمل بالله .. عندي آمل بالله

 

مهما تزيد الآه .. عندي آمل بالله
مهما سبب همي يطول .. رغم التعب أمشي و أقول
عندي آمل بالله .. عندي آمل بالله