يا علي يبني

يا علي يبني - للشاعر السيد عبد الخالق المحنة

من قطع اوصالك بسيفه يا علي يبني .. بعدك على الدنيا العفا فرقاك شيبني
أكبر ينور العين .. يمعفر الخدين

يوليدي قلي يا جرح يآذيك حاجيني .. انت العمر وانت الصبر وانت نظر عيني
تاليها يبني يا علي تمشي و تخليني .. راح الصبر بعد الولد وينه اليواسيني
دمي ودمع بيدي .. جاوبني يوليدي
من قطع اوصالك بسيفه يا علي يبني .. بعدك على الدنيا العفا فرقاك شيبني

أكبر ينور العين .. يمعفر الخدين

يا شمعة سنين العمر يا كوكب أحلامي .. رايح يضي عيني وأظل بالحسرة وآلامي
مطروح اشوفك يا حلم فوق الارض دامي .. يالغالي وادري بالدمع ما يرتوي الضامي
وياك اخذ روحي .. يا بلسم جروحي

من قطع اوصالك بسيفه يا علي يبني .. بعدك على الدنيا العفا فرقاك شيبني
أكبر ينور العين .. يمعفر الخدين

منتظرة ليلى بالخيم تتأملك ترجع .. ما تدري بسيوف العدى يمهجتي مقطع
لو وحدي أرجع للخيم من الخيم تطلع .. تعرف جوابي يا علي لو شافت المدمع
يل عالترب مطروح .. وياك اخذها الروح
من قطع اوصالك بسيفه يا علي يبني .. بعدك على الدنيا العفا فرقاك شيبني
أكبر ينور العين .. يمعفر الخدين

عذبني يومك يا علي و الراس شيبته .. ناديتك اقعد يالولد النوم طولته
جَرحك سكن وسط القلب و اكبر جرح انت .. سور و بنيتك بالدمع وعليا هدمته
زينب شجاوبها .. كثرت مصايبها

من قطع اوصالك بسيفه يا علي يبني .. بعدك على الدنيا العفا فرقاك شيبني
أكبر ينور العين .. يمعفر الخدين

زينب إذا سمعت علي راح شيصبرها .. محتار أنا بزينب أظل و شلون اخبرها
مهضومة زينب يا علي فرقاك يكسرها .. أُم اليروح الها ولد من تبچي نعذرها
ما تطفئ جمرتها .. معروفة ونتها

من قطع اوصالك بسيفه يا علي يبني .. بعدك على الدنيا العفا فرقاك شيبني
أكبر ينور العين .. يمعفر الخدين

يل فارقتني بغربتي وياك إخذ عمري .. يوليدي وي دم هامتك فاض و نزف صبري
نار الحزن صارت تشب من صدرك و صدري .. يا بويا أغلى من الهوا من النفس تدري
يل غيرك شعندي .. جرحك مُرد چبدي

من قطع اوصالك بسيفه يا علي يبني .. بعدك على الدنيا العفا فرقاك شيبني
أكبر ينور العين .. يمعفر الخدين