سبع القنطره

للشاعر - حسين سلمان

سبع القنطره .. مرمي عالثره .. هالله هالله يا والينه

والله ما أتصور .. يا شبل حيدر .. أبو الفضل مسيوب طايح مهبـــر
و الدما تجري .. جسمه معفر .. ينفجع قلبي بشوفت المنظر
البطل عباس فوق المشرعه .. من شفت يمناه وسفه مقطعه
انكسر ظهري يا حسره بمــصرعه .. راح أبو الصولات وسط المعمعه
لا لا تنظره .. مرمي عالثره .. هالله هالله يا والينه

سبع القنطره .. مرمي عالثره .. هالله هالله يا والينه

ألطم بصدري .. عزي و ذخري .. عالنهر مجروح يالأخو تــــدري
طيحت العباس .. ينكسر ظهري .. تدري بلياه ينهتك خدري
قطعوا يمناه يا عظم البلا .. و تبعت يسراه تروي البسملة
والله لو تجري دماه بمعضلة .. للأبد تروي أراضـــي كربلا
يشعب منظره .. مرمي عالثره .. هالله هالله يا والينه

سبع القنطره .. مرمي عالثره .. هالله هالله يا والينه

يا شديد الباس .. خويه يا عباس .. أرتحل بعدك بولية الأرجاس
و أمشي وسط الشام .. حسره بين الناس .. قلي سيفك وين و الدرع و الطاس
يختي يا زينب أنا ليث الحرب .. تعرفيني ما أهاب من الضرب
تشردي الجيمان لو فيهم أطب .. والعدو الغدار مني يضطرب
ما نتصوره .. مرمي عالثره .. هالله هالله يا والينه

سبع القنطره .. مرمي عالثره .. هالله هالله يا والينه

يا ثرى الطفوف .. ما دناك الخوف .. و أنته بترابك من هزم السيوف
تدري بالعباس .. في حرب معروف .. ما شرب مايه ظل بليه چفوف
وارث بطبعه عزم حامي الحمه .. صاحب الغيره يخط الملحمه
ينزل الشاطي يشيل بصارمه .. و العدو محتار من يتقدمه
جثه مدوره ... مرمي عالثره ... هالله هالله يا والينه

 سبع القنطره ... مرمي عالثره ... هالله هالله يا والينه