مد إلينا الإيدين - للشاعر مجتبى التتان
مد إلينا الإيدين .. يا قطيع الإيدين
و انتا مقطوعة چفوفك .. تنهض تعاين ضيوفك .. الله لا
يحرمنا شوفك .. يا بو فاضل
خذني لو نسمه بحياتك .. تروي وجداني بفراتك .. حتى
تذكرني بصلاتك .. و الفضايل
حبي ما يوفي الدم .. قلبي شايل نارين
مد إلينا الإيدين .. يا قطيع الإيدين
قلبي واقع و انتا رافع .. و انتا هّم للنخوة سامع .. أطلبك و الليلة سابع
.. من محرم
واقف أبابك أنادي .. سيدي و غاية مرادي .. حبك إليجري بفؤادي .. چنه زمزم
أنا لو لي عمرين .. فدوة لك يا خو حسين
مد إلينا الإيدين .. يا قطيع الإيدين
جيتك و قلبي أقدمه .. للذبح و اتلقى سهمه .. شفتك بكل ليلة نجمة .. لينه
تضوي
جينا لك و الدمعة آية .. تحتضن للغربة راية .. جينا لك كنه ضمايا .. و أنت
تروي
حزني صاير حزنك .. و الدمع أعلى خدك
مد إلينا الإيدين .. يا قطيع الإيدين
آنا محتاجك في حاجة .. المرض عندك علاجه .. و القلب يلقى إنفراجه .. بين
إيدينك
جينا يالقطعو يمنيك .. نغترف من شوف عينك .. و الحوايج بين إيدينك ..
طالبينك
وين أولي لا وين .. ضمني بين الكفين
مد إلينا الإيدين .. يا قطيع الإيدين
الوفا منك تعلم .. و أعتنى يمك و سلم .. الله وحده بيك يعلم .. يا شفيه
يا كفيل أم المصايب .. جيت إلك و قليبي ذايب .. أدري ما ترجعني خايب ..
هالمسية
دمعي يجري نهرين .. و انتا دمك صوبين
مد إلينا الإيدين .. يا قطيع الإيدين
