للشاعر - ................
ناديت أخويه و الأرض تسمعني و الناس .. ظهري إنكسر من
شفتك معفر يعباس
من علي الشاطئ أعاين .. جسمك اللي مقطعينه
يا قمرنا اللي لأجلنا .. قطعوا شماله و يمينه
منخسف نوره نظرته .. و راسه اللي فاضخينه
دمه يروي الترايب .. و السهم طافيها عينه
ليش العلم تركته و القربة يا بوفاضل .. و انا عليا دارت في المعركة الجحافل
هذا عضيدي و الذي أرفع به الرأس .. ظهري إنكسر من شفتك معفر يعباس
ناديت أخويه و الأرض تسمعني و الناس .. ظهري إنكسر من
شفتك معفر يعباس
و آنا راجع للمخيم .. منحني ظهري لفقدك
لو قدرت أرفع لجسمك .. إنچان إلى الخيمات أردك
واعد سكينه و أعرفك .. ما خلفت بمرة وعدك
ظلت أطفالي حيارى .. شلفكر يا خويا بعدك
ماي النهر صبغته من دمك بشجاعة .. و بمصرعك يا خويا ما عندي إستطاعة
مو بإيدي أترك جثتك تنداس .. ظهري إنكسر من شفتك معفر يعباس
ناديت أخويه و الأرض تسمعني و الناس .. ظهري إنكسر من
شفتك معفر يعباس
طايح بجنب الشريعة .. و شامخ بكل المعاني
واحد بكل تضحياته .. ما إلك يا خويا ثاني
و مهجتك عطشانه لكن .. الوفا منك رواني
و الرماك بسهمه و الله .. بعيني يالغالي رماني
جودك يخويا جودك يتركني حاشه .. و أنتا الذي وجودك يروي ظما العطاشى
عطشان ليك الدنيا ترويها بالإحساس .. ظهري إنكسر من شفتك معفر يعباس
ناديت أخويه و الأرض تسمعني و الناس .. ظهري إنكسر من
شفتك معفر يعباس
أمك آنا أتخيلتها .. واقفة يم الشريعة
و أمي الزهرة بجنبها .. تحمل چفوفك قطيعة
و الخيم يلهب ظماها .. بحسرة بعيون الوديعة
تنتظر سكنه و اخوها .. ظاقت عليها الوسيعة
ظهري إنكسر يا غالي من طيحتك بالتراب .. و الله اللي يعلى مني فاقد اعز
الاحباب
وينك يا شيال العلم يا وافي الباس .. ظهري إنكسر من شفتك معفر يعباس
ناديت أخويه و الأرض تسمعني
و الناس .. ظهري إنكسر من شفتك معفر يعباس
