قصيدة تاج الحسين
كلمات الشاعر علي السقاي
من اصدار لك انتمي
للرادود الحاج الملا باسم الكربلائي
ياسلاب تاج حسين قلي وين لباسه
قلها التاج شلج بيه هذا على الرمح راسه
من خيمهة بظهر عاشور طلعت هايمه زينب
وبين مسالب العدوان واخيام البقت تلهب
شافت تاج اخوها حسين بجفوف العدا مسلب
تعنت والدمع هالي تصيح بحسرة الوالي
ياسلاب ارحم بحالي ياسلاب ارحم بحالي
وراعي التاج لا لاتقول قطعوا آخر انفاسه
ياسلاب تاج حسين قلي وين لاباسه
قلها التاج شلج بيه هذا على الرمح راسه
ظلت زينب اب دهشة تناشد عدوا لاذمة
صدق هذا الذي بيدك يمكدر تاج ابو اليمه
صدق هذا الذي فوقه حمار خضاب من دمه
اعرفه الدم اخويا حسين وهذا التاج اعرفه زين
لجن لباسة قلي وين لاجن لاباسه قلي وين
شمالك ماتجاوبني ارحم قلبي واحساسه
ياسلاب تاج حسين قلي وين لاباسه
قلها التاج شلج بيه هذا على الرمح راسه
تقله يا غدير الشوم حالي ماترحمونه
قبلك دون خياله عود النه ميمونه
هسى تاجك شفتة وياك لاجن منخضب لونه
كلهة شلج بالهالتاج اخوج بمقطع الاوداج
راسه اعلى الرمح وهاج راسه اعلى الرمح وهاج
جسمه على الارض مطروح وشجم حافر ال داسه
ياسلاب تاج حسين قلي وين لاباسه
قلها التاج شلج بيه هذا على الرمح راسه
التفتت للرمح لانها تشوف براسه راس حسين
قامت ع الوجه تلطم بيديها وتخمش الخدين
صرخت خل يبعد برمحه شله وي لمت تساوي
وبراسي وللمنحور ليش اعلى الخيام يدور
خل يرحم بنات خدور خل يرحم بنات خدور
ماضن لو تصد للراس تقدر بعد تتناسى
ياسلاب تاج حسين قلي وين لاباسه
قلها التاج شلج بيه هذا على الرمح راسه
ياشيال الرمح صاحت عسى انشلت ايمينك
تراوي الراس للنسوان قلي شبينها وبينك
رجوله لو تحسبهة بوجود القمر عينه
لو يمنا قمر عدنان ياظالم ابد ماجان
تتمرجل على النسوان تتمرجل على النسوان
ونحر حسين مايذبحوة لو اجا يمه عباسه
ياسلاب تاج حسين قلي وين لاباسه
قلها التاج شلج بيه هذا على الرمح راسه
