للشاعر - السيد عبد الخالق المحنة
لا تلوموني لا تلوموني .. حب الحسين أجنني
أي نعم مجنون من يوم إلعرفتك .. يا حسين
أعقل الناس تتسودن من محبتك .. يا حسين
لا تلوموني إذا ثوبي مزجته .. يا حسين
لا تلوموني إذا رأسي طبرته .. يا حسين
لا تسألوني لا تسألوني .. حب الحسين أجنني
حب الحسين أجنني
هذا صدري يسيل دمه و ما أوافي .. يا حسين
و آنا من أمشي أزوره أمشي حافي .. يا حسين
ناس من شافتني صاحت كافي كافي .. يا حسين
و الله ما أنسى أبو اليمه هتافي .. يا حسين
ما تغيروني ما تغيروني .. حب الحسين أجنني
حب الحسين أجنني
لو طبرت الهامة لا تقرب عليّه .. يا حسين
يعني أقلك آني أتحدى المنية .. يا حسين
أنظر جروحي و بعدها لوم بيّه .. يا حسين
شوف منهو اللي يضمدها إليّه .. يا حسين
يلتعرفوني يلتعرفوني .. حب الحسين أجنني
حب الحسين أجنني
آني من دم هامتي أعلن ولائي .. يا حسين
قول عني أتجنن و قلي مرائي .. يا حسين
من أصيحن يا علي تنزف دمائي .. يا حسين
يعني آني وقعت بالدم فدائي .. يا حسين
يلتسمعوني يلتسمعوني .. حب الحسين أجنني
حب الحسين أجنني
آني من ألطم على صدري شيضرك .. يا حسين
هذا صدري و آني ما آذيت صدرك .. يا حسين
آنا حر برأسي أطبر ما أطبرك .. يا حسين
يعني كل هاي المصايب ما تقهرك .. يا حسين
ما تمنعوني ما تمنعوني .. حب الحسين أجنني
حب الحسين أجنني
قبلك هواي حچوها و عبرتهم .. يا حسين
من على حبال المشانق أدبتهم .. يا حسين
آني مولع بالتحدي و ما خفتهم .. يا حسين
هسه سألك وينهم شو ما شفتهم .. يا حسين
لو تقطعوني لو تقطعوني .. حب الحسين أجنني
حب الحسين أجنني
لا تعلمني دخليني و يا همي .. يا حسين
آنا ما احتاج فتوى و هذا دمي .. يا حسين
آنا شفت الزهرة تبچي يمي .. يا حسين
هذا بن ظاهر أشوفه سجل أسمي .. يا حسين
لا تنصحوني لا تنصحوني .. حب الحسين أجنني
حب الحسين أجنني
