للشاعر - السيد عبد الخالق المحنة
آخذ روحي و نظر عيني .. لأبو السجاد وديني .. يسجلني
عبير ترابه أشتمه .. و أريده بدفتر الخدمة .. يسجلني
إجيت و قلبي ملهوف .. أريد العالم يشوف .. يسجلني
روايات المشي كثرة .. المشى خطوة آخذ أجره .. آلف حجة آلف عمره
زرعت الشوك بدروبي .. إجيت أركض يمحبوبي .. أزورك و أمسح ذنوبي
مشيت أيام و ليالي .. لأجل عيناك يالغالي .. و لا غيرك شغل بالي
يسجلني
أريد تشوف عدواني .. أبو فاضل تلقاني .. يسجلني
و إجيت إلخضرة الضامي .. أبو النوماس جدامي .. يسجلني
يمن ضحيت الچفوف .. أريد العالم يشوف .. يسجلني
آخذ روحي و نظر عيني .. لأبو السجاد وديني .. يسجلني
عبير ترابه أشتمه .. و أريده بدفتر الخدمة .. يسجلني
إجيت و قلبي ملهوف .. أريد العالم يشوف .. يسجلني
قبل لا ينطق إلساني .. قضى الحاجات و أنطاني .. أسمعه يقول هاذ آني
يقول إليوصل الحضرة .. عهد مني اجي إلقبره .. إجاني شلون ما أحضره
و حق اللي رفع سبعة .. إذا لأجلي تهل دمعة .. اوجها بالقبر شمعة
تقبلني
صحت يالما طفت نارك .. و لو خادم لزوارك .. تقبلني
يمن غيرك فلا اهوى .. إلك هذا العمر فدوة .. تقبلني
إجيتوا كربلاء زحوف .. أريد العالم يشوف .. يسجلني
آخذ روحي و نظر عيني .. لأبو السجاد وديني .. يسجلني
عبير ترابه أشتمه .. و أريده بدفتر الخدمة .. يسجلني
إجيت و قلبي ملهوف .. أريد العالم يشوف .. يسجلني
لوّن بدربك أتقطع .. و حق الزهرة ما ارجع .. عهد بالدم يتوقع
أنا المجنون عرفوني .. أصيح و خل يسمعوني .. و لا قدروا يمنعوني
ترف الراية بالعالي .. رغم تحذير عذالي .. عرفني الموت ما بالي
عهد مني
أحس براحة من امشي .. عفت اهلي عفت كل شئ .. عهد مني
حلم كل يوم اعيشنه .. أموت بدرك اتمنه .. عهد مني
نحر يتحدى السيوف .. أريد العالم يشوف .. يسجلني
آخذ روحي و نظر عيني .. لأبو السجاد وديني .. يسجلني
عبير ترابه أشتمه .. و أريده بدفتر الخدمة .. يسجلني
إجيت و قلبي ملهوف .. أريد العالم يشوف .. يسجلني
نداء الزهرة يتبعني .. خيال أشعر يراقبني .. هلا يالقاصد على أبني
أنا وياك مشايه .. إلك غاية و إلي غاية .. نروح لصاحب الراية
لقاء بزينب الليلة .. تعاود هي و العيلة .. يزاير و الدمع سيله
توصلني
مشيت و أتبع البضعة .. يجدمني للطف بسرعة .. توصلني
أريد إلزينب أوصلها .. رقية وين أسألها .. توصلني
جواب الحرة يشوف .. أريد العالم يشوف .. يسجلني
آخذ روحي و نظر عيني .. لأبو السجاد وديني .. يسجلني
عبير ترابه أشتمه .. و أريده بدفتر الخدمة .. يسجلني
إجيت و قلبي ملهوف .. أريد العالم يشوف .. يسجلني
إجيت و كاتب وصيتي .. أموت بدربك أمنيتي .. شهيد و يرتفع صيتي
وصيتي لوالدي أفهمها .. يقول الراية تلزمها .. و انا لأبني أسلمها
إلى آخر نفس بيه .. ازورك و أشهد عليه .. أجي بروحي الفدائية
يجملني
ركض عالموت متعني .. عدوك من يفجرني .. يجملني
نذرت من المهد عمري .. صحت وين اليحز نحري .. يجملني
إجيتك ذابح الخوف .. أريد العالم يشوف .. يسجلني
آخذ روحي و نظر عيني .. لأبو السجاد وديني .. يسجلني
عبير ترابه أشتمه .. و أريده بدفتر الخدمة .. يسجلني
إجيت و قلبي ملهوف .. أريد العالم يشوف .. يسجلني
